ОРАЛ. ҚазАқпарат - Орал қаласы мамандандырылған әкімшілік соты «Сатбор» ЖШС-на ҚР Әкімшілік құқықбұзушылық кодексінің 278-бабы 1-бөліміне сәйкес жауапкершілікке тартты, деп хабарлайды «ҚазАқпарат» ХАА тілшісі.
Облыстық соттың баспасөз қызметінен түскен мәліметке қарағанда, БҚО бойынша мемлекеттік кірістер департаменті шетелдіктердің қатысуымен құрылған «Сатбор» ЖШС-ның тарапынан мұнай саласын ұйымдастырудан түскен түсімнен тыс, 2011 жылғы бонус үшін салықтық есеп декларациясында 454 млн астам теңгені төмендетіп көрсету дерегін анықтады.
Сот аталған ЖШС-ны айыпты деп тауып, салық және басқа бюджетке міндетті төлемдердің 15 пайызы көлемінде 68,1 млн астам теңге әкімшілік айыппұл салды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).