ОРАЛ. ҚазАқпарат - Орал қалалық соты «Вишенка» саяжайында табылған ер адамның мүрдесі бойынша ұсталған С. деген күдіктіні екі айға қамауға алу түрінде бұлтартпау шарасын санкциялады.
Қалалық соттан түскен мәліметке қарағанда, қазіргі кезде ҚР ҚК 99-бабы 1-бөлігі бойынша қылмыстық іс қозғалып, тергеу амалдары жалғасуда.
Еске сала кетейік, 19 қыркүйек күні кешкісін, сағат 22.00-де «Вишенка» саяжай қоғамына қарасты саяжайлардың бірінен құдыққа тасталып, үстінен бетон құйылған 1980 жылғы С. есімді ер адамның мүрдесі табылған болатын. Жедел іздестіру шаралары барысында полицейлер күдіктіні көп ұзамай қолға түсірген еді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).