ОРАЛ. KAZINFORM — Орал қаласында қоқыс контейнерінен табылған шақалақтың анасының кім екендігін анықтау жұмыстары жүргізілуде.
БҚО полиция департаментінің баспасөз қызметінен мәлім еткеніндей, Орал қаласында 14 тамызда болған оқиғаға байланысты сотқа дейінгі тергеу амалдары жалғасуда.
- Полициямен медициналық мекемелерде есепте тұратын әйелдер тексерілді. Сондай-ақ есепте жоқ, түрлі себептермен шығып кеткендер де бұдан тыс қалған жоқ. Полиция қызметкерлері осы маңдағы көпқабатты және жеке үйлерді аралап, сұрастырды. Үйлердің кіреберістерінде орнатылған бейнебақылау камераларының бейнежазбалары зерттелді. Шақалақтың анасын іздеу жұмысы жалғасуда. Егер осыған қатысты қандай ма болсын ақпаратты білетіндер болса, 102, 8-711-2-98-15-01, 8-775-373-00-94 телефон нөмірлеріне шұғыл қоңырау шалуы сұралады, - деп хабарлады ведомстводан.
Еске сала кетейік, бұдан бұрын Оралда қоқыс контейнерінен шақалақтың денесі табылғанын жазған едік.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).