ОРАЛ. KAZINFORM - Орал қаласында Зачаган кентіндегі қатты тұрмыстық қалдықтар полигоны аумағында қоқыс жанды.
Фото: Тұрғындардан
Орал қаласы әкімдігінен түскен мәліметке қарағанда, оқиға 11 маусым күні болды.
«Қазіргі кезде оқиға орнында полигонды сенімгерлік басқаруға алған „ICM Recycling“ ЖШС өрттің шетін топырақпен толтыру жұмыстарын жүргізуде. Өртті жоюға ТЖД күші (11 адам, 4 техника) жұмылдырылды. Өрт сөндіру жалғасуда», деп хабарлады ведомстводан.
Фото: Тұрғындардан
БҚО ТЖ департаментінің баспасөз қызметі қоқыс полигонында бульдозерлер мен экскаваторлардың жұмыс жасап жатқанын жеткізді.
Аталмыш полигонда қоқыстың отқа орануы бір бұл емес. Өткен жылдардан бері жалғасып келеді.
Тұрғындардың сөзіне қарағанда, түсте басталған өрт алыстан көрініп, исі сезіліп тұр.
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).