18:39, 04 Желтоқсан 2018

Оралда көктайғақтың салдарынан 55 адам жарақат алды

ОРАЛ. ҚазАқпарат - Оралда қыстың алғашқы күндері көктайғақтың әсерінен 55 адам жарақат алды, деп хабарлайды ҚазАқпарат тілшісі.

Облыстық денсаулық сақтау басқармасының баспасөз хатшысы Айнагүл Сақпосынованың айтуынша, қалада көктайғақтың болуы осындай оқиғалардың жиілеуіне әсер етуде.

«Осыншама адам 1-3 желтоқсан аралығында түрлі жарақатпен қалалық және облыстық ауруханалардың жарақат пункттеріне жолықты. Оған қоса екі адамның үсіктің жеңіл түріне шалдыққаны анықталды», деді ҚазАқпарат тілшісіне А.Сақпосынова.

Айта кетейік, қалада өткен аптада қар мол түсіп, әуелі еріді. Содан кейін күн күрт суытып, қайта қатырып тастады. Соның салдарынан көктайғақ орын алды.

Батыс Қазақстан облысы Оқиға
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).