ОРАЛ. ҚазАқпарат - Оралда аумағы 100 шаршы метрді қамтыған қоқыс жанып кетті, деп хабарлайды ҚазАқпарат тілшісі.
Облыстық ТЖ департаментінің баспасөз қызметінен түскен мәліметке қарағанда, оқиға кеше Полевая көшесі бойындағы «Нұржанар» АҚ аумағында болған.
Қоқысты сөндіруге жеке құрамнан 11 адам мен 3 техника жұмылдырылды. «Тілсіз жау» сағат 16.23-те ауыздықталды.
Айта кетейік, өңірде күн қатты ысып тұр. Бүгін Оралда ауа температурасы 41 градусты көрсетті. Оңтүстік аудандарда 43 градусқа дейін жетті.
Күннің ысуына байланысты өрт қаупі күшейе түскендігі жөнінде бұдан бұрын ескерту де жарияланған болатын.
Облыстық денсаулы қсақтау басқармасы баспасөз қызметінің нақтылауынша, күннің ыстығына байланысты ауруханаларға әзірге ешкім түсе қойған жоқ.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).