ОРАЛ. ҚазАқпарат – Оралда автокөлік электр бағанын соғып құлатты, деп хабарлайды ҚазАқпарат тілшісі.
Оқиға 23 шілде күні түс мезгілінде Д.Карбышев көшесі бойында орын алды.
«Лада Калина» автокөлігі темірбетон бағанына соғылып, өзі аударылып қалған. Оқиға салдарынан тағы екі электр бағаны жол бойына құлаған.
Осы маңда тұратын тұрғындардың сөзіне қарағанда, бетон бағандар сапасыз, оның ішінде темір арматуралар болмаған, оның орнына сымдар шығып тұрған.
БҚО полиция департаментінің баспасөз қызметі мәлім еткеніндей, жол-көлік оқиғасы салдарынан зардап шеккен бір адам жарақат пунктіне жеткізілді.
Қазіргі таңда жүргізуші мен жолаушының кім екендігі анықталу үстінде.
Еске сала кетейік, бұдан бұрын БҚО-да Армениядан әкелінген 300-ден астам көлік иелері сары нөмір алғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).