ОРАЛ. ҚазАқпарат – Оралда Батыс Қазақстан индустриалдық колледжінің 1 курс студенті Дархан Оралбаев жоғалып кетті, деп хабарлайды ҚазАқпарат тілшісі.
БҚО полиция департаментінің баспасөз қызметінен түскен мәліметке қарағанда, ол 20 қаңтар күні Еуразия даңғылы бойындағы дүкеннен шығып кеткеннен оралмаған.
Анасы, Орал қаласының 37 жастағы тұрғыны 2004 жылғы ұлының жоғалып кеткені жөнінде 28 қаңтар күні полицияға хабар берген.
Дархан Дәуренұлының бойы 160-165 см, орта бойлы, капюшоны бар қара күрте киген, шалбары мен бәтеңкесі де қара түсті.
Анасының сөзіне қарағанда, ұлы бұдан бұрын да бірнеше рет кетіп қалған, оның мекенжайын полиция тауып беріп отырған.
Қазіргі кезде полиция қызметкерлерінің бірнеше тобы, еріктілер және Ұлттық ұлан жауынгерлері Дарханды іздестіруде.
Жасөспірімнің қайда жүргені туралы білетіндер болса, 102, 92-18-04, 98-41-06, 8 775 717 11 19, 8 707 881 66 66 телефондарына хабарласуы сұралады.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).