ОРАЛ. ҚазАқпарат - Оралда коллектордағы апат салдарынан қаланың едәуір бөлігі сусыз қалды, деп хабарлайды ҚазАқпарат тілшісі.
«Батыс су арнасы» ЖШС директорының бірінші орынбасары Салауат Айбатовтың айтуынша, М.Шолохов көшесі бойында таңертең коллекторда топырақ опырылып кеткен. Соның салдарынан 4, 5, 6, 7, 9, «Құрылысшы», «Солтүстік-Шығыс» шағынаудандары, қаланың орталық бөлігі сусыз қалды,
«Қазіргі кезде қалпына келтіру жұмыстары жүргізілуде. Кәріз құбыры 7 метр тереңдікте екен. Соған жеткеннен кейін жөндеп, суды қосуға тырысамыз», - деді «ҚазАқпарат» тілшісіне С.Айбатов.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).