ОРАЛ. ҚазАқпарат - Оралда қоспәтерлі тұрғын үй өртеніп кетті, деп хабарлайды ҚазАқпарат тілшісі.
БҚО ТЖ департаментінің баспасөз қызметінен түскен мәліметке қарағанда, оқиға 29 шілде күні сағат 12.30-да «Зачаган» бау-бақша серіктестігінде орын алған.
Өрт аумағы 200 шаршы метрді қамтыды. 33/1-учаскесіндегі пәтердің (120 шаршы метр) жиһаз, жеке заттары, тұрмыстық техника, қабырға, жақтаулары, төбесі отқа оранды. 33-учаскеде (80 шаршы метр) төбесі, ішінара пәтераралық қабырға-жақтаулары жанды.
Тілсіз жауды ауыздықтауға 13 адам, 4 техника жұмылдырылды.
Өрт 13.45-те оқшауланып, 14.35-те сөндірілді.
Өрт салдарынан қарт кісілері мен кішкентай балалары бар отбасы баспанасыз қалды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).