ОРАЛ. ҚазАқпарат - Оралда қоспәтерлік тұрғын үй отқа оранды, деп хабарлайды ҚазАқпарат тілшісі.
БҚО ТЖ департаментінің баспасөз қызметінен түскен мәліметке қарағанда, оқиға кеше кешкісін Ақтөбе көшесі, 121-үйде орын алды.
Сағат 20.25-те тұрғын үйдің өртеніп жатқаны жөнінде хабар түскен.
Өрттің аумағы 190 шаршы метрді қамтыды.
«Тілсіз жауды» ауыздықтауға 10 адам, 4 техника жұмылдырылды.
Өрт сағат 21.49-да сөндірілді. Зардап шеккендер жоқ.
Қазіргі кезде өрттің шығу себебі, келтірілген шығын анықталу үстінде.
Айта кетейік, жыл басынан бері осыған дейін облыс аумағында 160 өрт тіркелді. Соның салдарынан 3 адам қаза тапты. Осы өрттердің 106-сы немесе 67 пайызы тұрғын үйлерде орын алды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).