ОРАЛ. KAZINFORM — Орал қаласында су құбырындағы апатты жою жұмыстары жүргізіліп жатыр.
«Батыс су арнасы» ЖШС-дан мәлім еткеніндей, Жамбыл және П.Садомсков көшелерінің қиылысында диаметрі 600 мм су құбырында апатты жағдай болды.
- Осыған байланысты облыстық онкологиялық диспансер, сот сараптамалары орталығы, MIG Qazaqstan ядролық медицина орталығына бүгін сағат 12.00-ден бастап салқын су беру тоқтатылды. Сондай-ақ П.Садомсков, Жамбыл, Б.Мұхамбетов, Теректі, Ақмола, Жаңақала көшелерінде орналасқан жеке үйлерде су болмайды. Апатты шамамен сағат 20.00-ге дейін жою көзделіп отыр, - деп хабарлады ведомстводан.
Еске сала кетейік, бұдан бұрын Оралда құбыр жарылып, қаланың бір бөлігі сусыз қалғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).