ОРАЛ. KAZINFORM — Орал қаласында Зачаган кентінде бірнеше шағынауданға салқын су беру тоқтатылды.
«Батыс су арнасы» ЖШС-дан мәлім еткеніндей, қазіргі кезде Жәңгір хан көшесі 51-мекенжайында диаметрі 200 мм су құбырындағы ақауды жою жұмыстары жүргізіліп жатыр.
Осыған байланысты Жәңгір хан көшесі 43, 47, 45/1, 49, 50, 51 (Жәңгір хан атындағы Батыс Қазақстан аграрлық-техникалық университеті), 53, 55, 57, 59, 60, 61, 63, 63а мекенжайлары, сондай-ақ «Ғалымдар ауылы», «Жақсы ауыл» және СМП шағынаудандары салқын сусыз қалды.
- Су құбырындағы апатты 25 шілде күні шамамен сағат 22.00-ге дейін жою көзделуде, - деп хабарлады ведомстводан.
Еске сала кетейік, бұдан бұрын Орал қаласында 800-ге жуық абоненттің ыстық сусыз қалғанын жазған едік.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).