Оралда құны 65 млн теңгеден асатын сиреналық-сөйлеу құрылғылары орнатылып жатыр
ОРАЛ. KAZINFORM – Орал қаласында заманауи дабыл жүйесі орнатыла бастады.
Фото: БҚО ТЖД
Орал қаласы әкімдігінен мәлім еткеніндей, мұндағы мақсат – тұрғындарды табиғи, техногендік және әлеуметтік сипаттағы төтенше жағдайлар туралы дер кезінде хабардар ету.
Фото: БҚО ТЖД
Аталмыш құрылғылар қауіп төнген жағдайда жедел хабар таратуға, қоғамдық маңызы бар және жедел ақпаратты жеткізуге, тұрғындардың қауіпсіздігін қамтамасыз етуге мүмкіндік береді.
– Жүйені енгізу арқылы төтенше жағдайларға дайындық деңгейі артады, жауапты қызметтердің әрекет ету уақыты қысқарады, ықтимал тәуекелдер мен шығындар азаяды. Құрылғылардың жалпы құны 65 млн. теңгеден асады. Жоба «Азаматтық қорғау туралы» ҚР Заңына сәйкес жергілікті бюджет есебінен жүзеге асырылып жатыр, - деп хабарлады ведомстводан.
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).