ОРАЛ. ҚазАқпарат - Оралда құрғақ шөп пен қоқыс алаңы өртеніп жатыр, деп хабарлайды ҚазАқпарат тілшісі.
БҚО ТЖ департаментінің баспасөз қызметінен түскен мәліметке қарағанда, оқиға 27 тамыз күні Сырым Датұлы көшесі бойында орналасқан «Жайық Таза қала» ЖШС карьері аумағында болды.
«Сағат 18.25-те құрғақ шөп пен бұталар жанған. Содан кейін жалын шамамен 1 гектар аумақтағы қоқыс алаңына ауысқан. Өртті сөндіруге ТЖ департаментінен 20 адам, 5 техника және «Жайық Таза қала« ЖШС күші (34 адам, 19 техника) жұмылдырылды. Елді мекендерге қауіп жоқ», деп хабарлады ведомстводан.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).