ОРАЛ. ҚазАқпарат – Оралда 3 жасар бала екінші қабат терезесінен құлап кете жаздады, деп хабарлайды ҚазАқпарат тілшісі.
БҚО Төтенше жағдайлар департаментінің баспасөз қызметі мәлім еткеніндей, оқиға 26 шілде күні Н.Назарбаев даңғылы бойындағы №175 үйде болған.
Сағат 18.19-да 101 телефонына екінші қабатта ашық қалған терезе алдында кішкентай баланың тұрғаны жөнінде қоңырау шалынған.
Құтқарушылар (4 адам, 1 техника) 2017 жылғы баланы жерге түсіріп алды. Абырой болғанда, бүлдіршін зардап шеккен жоқ.
Еске сала кетейік, бұдан бұрын Оралда 5 жасар баланың төртінші қабаттан құлап кеткенін жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).