ОРАЛ. ҚазАқпарат - Бүгін Орал қаласы аумағында «Орал антитеррор-2017» атты шартты лаңкестіктің алдын алу бағытында жедел-тактикалық жаттығулар жүргізілуде, деп хабарлайды «ҚазАқпарат» ХАА тілшісі.
БҚО жедел штабынан түскен мәліметке қарағанда, бұл - жоспарлы шара. Жаттығу кезінде қозғалысқа енгізілетін шектеулерге байланысты тұрғындардың тыныштықты сақтап, арнайы және құқық қорғау органдарының заңды талап-тілектеріне құлақ асуы қажет.
Айта кетейік, кеше осындай жаттығу Теректі ауданы аумағында өткізілген болатын.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).