ОРАЛ. ҚазАқпарат – Оралда мас жүргізуші айдаған автокөлік жол апатынан кейін көпірден құлап кетті, деп хабарлайды ҚазАқпарат тілшісі.
БҚО полиция департаментінің баспасөз қызметінен түскен мәліметке қарағанда, оқиға 22 наурыз күні кешкісін қала аумағындағы Самара-Шымкент жолы бойындағы көпірде болған.
Теректі ауданы Подстепный ауылы бағытында 1953жылғы жүргізуші «Audi A6» автокөлігімен қатты жылдамдықпен келіп, алдында кетіп бара жатқан «Volkswagen Passat» автокөлігін соққан.
«Audi A6» автокөлігі қарсы бетке шығып кетіп, темір қоршауды бұзып өтіп, көпірден аударылып түскен.
Түрлі жарақат алған «Audi A6»-дің жүргізушісі облыстық көпбейінді аурухананың жансақтау бөліміне жатқызылды. Оның көлікті мас күйінде жүргізгені анықталды.
Облыстық денсаулық сақтау басқармасы аталған жүргізушінің облыстық ауруханада жатқандығын растады.
Еске сала кетейік, бұдан бұрын Оралда автокөліктің қоршауға ілініп қалғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).