ОРАЛ. Қыркүйектің 15-і. ҚазАқпарат /Елжан Ералы/ - Облыс әкімдігінде бір топ мемлекеттік қызметшілердің Қазақстан Республикасының «Мемлекеттік қызмет туралы» заңына сәйкес ант қабылдау рәсімі өткізілді, деп хабарлайды ҚазАқпарат тілшісі.
Олар - негізінен облыс әкімінің өкімімен бірқатар аудандарға жаңадан тағайындалған әкімдер. Қазталов, Шыңғырлау, Қаратөбе аудандарының әкімдері Табылғали Сапаров, Айболат Сейтақов, Наурызбай Қарағойшиндер еліміздің экономикасының және рухани даму ісіне күш-қайраты мен білімін жұмсайтынына, ұлтаралық келісімді нығайтуға, еліміздің егемендігін нығайтуға, халыққа, Президентке адал қызмет етуге ант қабылдады.
Облыс әкімі Бақтықожа Ізмұхамбетов ант қабылдаған мемлекеттік қызметшілерді құттықтап, оларға еңбекте табыс, дендеріне саулық тіледі.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).