ОРАЛ. ҚазАқпарат - Оралда мотоцикл мен автокөлік түйісіп, екі адам ауруханаға түсті, деп хабарлайды ҚазАқпарат тілшісі.
Оқиға кеше Әбілқайыр хан даңғылы мен Циолковский көшелерінің қиылысында орын алды.
«Фольксваген Вента» автокөлігі мотоциклмен соқтығысқан. Соның салдарынан мотоциклде отырған екі адам жарақат алған.
Облыстық денсаулық сақтау басқармасының баспасөз хатшысы Айнагүл Сақпосынованың айтуынша, олардың біреуі - 20 жасар қыз, екіншісі - 14 жасар жасөспірім.
Алдын ала мәліметке қарағанда, облыстық клиникалық ауруханаға жатқызылған екеуі де жабық бас-ми жарақатын алып, милары шайқалған. Оған қоса қыздың шүйдесі, жасөспірімнің көптеген жері соғылып, көгерген.
Қазіргі кезде оқиғаның себеп-салдары анықталу үстінде.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).