ОРАЛ. ҚазАқпарат - Бүгін Орал қаласында мотоцикл мен джип көлігі соқтығысып, салдарынан бір адам жарақаттанды, деп хабарлайды ҚазАкпарат тілшісі.
Жол апаты Зачаган кентінде "Зачаганск" дүкені маңында болды.
Оқиғаға куә болғандардың айтуынша, Жәңгір хан көшесімен қатты жылдамдықпен келе жатқан мотоцикл алдынан шыға келген джиппен түйіскен. Мотоциклші жігіт зардап шекті.
Облыстық денсаулық сақтау басқармасының баспасөз хатшысы Айнагүл Сақпосынованың айтуынша, жедел жәрдемге қоңырау сағат 17.52-де шалынған. Шамамен 22 жастағы жігіт бас-ми және басқа да жарақаттармен облыстық клиникалық ауруханаға жеткізілді.
Қазіргі кезде оқиғаның жай-жапсары анықталуда.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).