ОРАЛ. Ақпанның 23-і. ҚазАқпарат /Ғайсағали Ералы/ - Орал қаласында дәстүрлі Мұқағали оқулары мәреге жетті,
деп хабарлайды ҚазАқпарат.
Оған аудандар мен қаладан іріктеліп келген он үміткер қатысты. Бес кезеңнен тұратын сайыста дарынды балаларға арналған С.Сейфуллин атындағы №11 облыстық мектеп-интернаты кешенінің оқушысы Баянсұлу Қожанбаева жеңіске жетті. Ол наурыз айында ақынның туған жерінде өткізілетін республикалық байқауға қатысатын болады.
Қазылар алқасының төрағасы, әдебиетші-ғалым Серікқали Шарабасовтың айтуынша, байқау аясы жыл сайын кеңейіп келеді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).