ОРАЛ. Қыркүйектің 11-і. ҚазАқпарат /Ғайсағали Ералы/ - Оралда нашақорлыққа қатысты жедел алдын алу шаралары жүргізілуде,
деп хабарлайды ҚазАқпарат тілшісі.
Қыркүйек айының басынан бері оқу орындарында осы тақырыпта семинарлар, лекциялар, дөңгелек үстелдер ұйымдастырылуда. Облыстық ішкі істер департаменті есірткі бизнесімен күрес басқармасы бастығының орынбасары Андрей Хлевиннің айтуынша, мұның бәрі жастардың аталмыш дерттен бойын аулақ ұстауы үшін өткізілуде.
Өңірде биылғы сегіз айда есірткіге қатысты 176 қылмыстық іс қозғалып, есірткі заттарын сақтауға байланысты 81 құқықбұзушылық анықталған. Ірі көлемде есірткі сатқаны үшін 34 адам 10 жылдан 15 жылға дейін бас бостандығынан айрылды. Жедел-іздестіру шаралары барысында Оралда 26 есірткі сату нүктесі жойылса, соның сегізі оқу және көңіл көтеру орындары маңында орналасқан еді. Үш есірткі ұясы, есірткі тектес өсімдік өсірудің екі фактісі әшкереленді. Екі есірткі контрабандасына қатысқандар қазір жазасын өтеуде.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).