ОРАЛ. ҚазАқпарат – Оралда алаяқ әйел алты тұрғынды 6 млн астам теңгесін алдап алып кеткен, деп хабарлайды ҚазАқпарат тілшісі.
БҚО полиция департаментінің баспасөз қызметі мәлім еткеніндей, қазіргі кезде алты эпизод бойынша сотқа дейінгі тергеу амалдары жүргізілуде.
Ж. есімді әйел 2019 жылдың тамызынан бастап Инстаграмм әлеуметтік желісі арқылы несие рәсімдеймін деген желеумен Орал қаласы аумағында тұрғындарды алдап келген. Оның тағы қанша адамды алдағаны тергеу барысында анықталатын болады.
Алаяқтың басқа да қылмыстарға қатыстылығы тексерілуде.
Еске сала кетейік, бұдан бұрын Ақсайда Қызылорда облысы тұрғынының жерлесін пышақтап тастағанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).