16:09, 26 Ақпан 2009

Оралда «Нұр Отан» ХДП-ның 10 жылдығына орай жас ақындар мүшайрасы өткізілді

ОРАЛ. Ақпанның 26-сы. ҚазАқпарат /Ғайсағали Ералы/ - М.Өтемісұлы атындағы Батыс Қазақстан мемлекеттік университетінде «Нұр Отан» ХДП-ның 10 жылдығына орай облыстық жас ақындар мүшайрасы өткізілді,

деп хабарлайды ҚазАқпарат тілшісі. Барлығы отыз үміткер қатысқан жыр бәсекесінде аталмыш университеттің төртінші курс студенті Мұрадым Мирланов бас жүлдені иеленсе, бірінші жүлдені осы оқу орнынан Талғат Мықи мен Мейрамбек Сұлтанов бөлісті. Сондай-ақ М.Өтемісұлы атындағы Батыс Қазақстан мемлекеттік университетінің тағы бір студенті Ақтоты Садырова ? екінші, Орал мұнай, газ және салалық технологиялар колледжінен Санат Сұпығалиев үшінші орынды еншіледі.
Мәдениет
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).