ОРАЛ. ҚазАқпарат - Оралда оқушылар төбелесіп, біреуі ауруханаға түсті, деп хабарлайды ҚазАқпарат тілшісі.
Оқиға қала мектептерінің бірінде 19 наурыз күні болды.
Облыстық білім басқармасының баспасөз хатшысы Үміт Жәңгірованың айтуынша, төбелесіп жатқандарды арашалаған 10-сынып оқушысы көзінен жарақат алған.
«Оқушыға облыстық аурухананың офтальмология бөлімшесінде ота жасалды. Жасөспірім палатаға ауыстырылды. Қазіргі кезде құқық қорғау органдары тергеу амалдарын жүргізуде», деді ҚазАқпарат тілшісіне Ү.Жәңгірова.
Еске сала кетейік, бұдан бұрын Оралда оқушы қыздың жетінші қабаттан секіріп кеткенін жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).