ОРАЛ. ҚазАқпарат – Оралда 10 жасар баланы көлігімен қағып өлтірген 22 жастағы жүргізуші қыз қамауға алынды, деп хабарлайды ҚазАқпарат тілшісі.
БҚО прокуратурасының баспасөз қызметінен мәлім еткеніндей, Орал қаласының мамандандырылған тергеу соты қылмыстық қудалау органының аталған жүргізушіге екі ай мерзімге қамауға алу түріндегі бұлтартпау шарасын қолдану жөніндегі өтінішін қанағаттандырды.
Бұдан бұрын хабарлағанымыздай, 17 қараша күні Оралда жол апатынан 10 жасар бала қаза тапқан болатын. Рульде 22 жастағы қыз болған. Оқушы ауыр халде ауруханаға жеткізілгенімен, жансақтау бөлімінде көз жұмды.
Осыған байланысты ҚР ҚК 345-бабы 3-бөлігіне сәйкес қылмыстық іс қозғалып, тергеу амалдары жүргізілуде.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).