ОРАЛ. KAZINFORM – Орал қаласында орман ішінде өлі табылған әйелдің туыстары үш айға жуық уақыттан кейін анықталды.
Әйелдің мүрдесі 31 шілде күні табылып, оның жақын-жуықтарын еріктілер іздестірген.
БҚО полиция департаменті баспасөз қызметінің мәліметіне қарағанда, әйелдің жасы шамамен 30-40-та, денесінде зорлық-зомбылық белгілері болмаған.
«29 қазан күні әйелдің туыстары белгілі болды. Олар марқұмды таныды. Қазіргі кезде оқиғаның жай-жапсары анықталып жатыр», - деп хабарлады ведомстводан.
Еске сала кетейік, бұдан бұрын Оралда жоғалып кеткен жігіттің қыстақта қой бағып жүрген жерінен табылғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).