ОРАЛ. ҚазАқпарат - Оралда тұрғын үйде өрт болып, оқиға орнынан 20 адам эвакуацияланды, деп хабарлайды ҚазАқпарат тілшісі.
Облыстық ТЖ департаментінің баспасөз қызметінен түскен мәліметке қарағанда, оқиға кеше сағат 00.58-да 5-шағынаудандағы бес қабатты үйде болған.
Үшінші қабаттағы пәтердің төбесі, жеке заттар, жиһаз, теледидар жанған. Өрт аумағы 12 шаршы метрді қамтыды.
Жоғары және төменгі қабаттардан 20 адам шығарылса, соның 8-і - бала.
Өртті ауыздықтауға жеке құрамнан 7 адам, 3 техника жұмылдырылып, сағат 02.05-те сөндірілді.
Қазіргі кезде өрттің шығу себебі, келтірілген шығын, кінәлі адамдар анықталуда.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).