ОРАЛ. ҚазАқпарат - 9 ақпан күні сағат 00.10-да БҚО ТЖ департаменті өрт сөндіру және апаттық-құтқару жұмыстары қызметінің орталық байланыс нүктесіне «Орал қаласы 8 наурыз көшесі, 31" мекенжайында №1 пәтердің төбесі, дүние-мүлкі өртеніп жатқаны жөнінде хабар түскен, деп хабарлайды «ҚазАқпарат» ХАА тілшісі.
ТЖ департаменті өрт сөндіру және апаттық-құтқару жұмыстары қызметінен түскен мәліметке қарағанда, өрт сөндіршілер оқиға болған жерге 4 минуттан кейін жеткен. Оқиға орнынан полиция қызметкерлері денесін түгел жалын шалған 1936 жылғы үй иесін алып шықты. 30 шаршы метр аумақты қамтыған өрт сағат 01.42-де толықтай сөндірілді.
Өрт сөндіруге 2 техника, 12 адам жұмылдырылды.
Қазіргі кезде өрттің шығу себептері, келтірілген шығын, кінәлі адамдар анықталуда.
Облыстық денсаулық сақтау басқармасының баспасөз хатшысы Флюра Саматованың айтуынша, қария қалалық көп бейінді ауруханаға жеткізілгенмен, көз жұмды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).