ОРАЛ. ҚазАқпарат - Орал қаласында осы заманғы қонақүй салу көзделуде, деп хабарлайды «ҚазАқпарат» тілшісі.
Облыс әкімі Алтай Көлгіновтің айтуынша, инвесторлардың өңірлік кеңесінің отырысында шаһарда бес жұлдызды қонақүй кешені құрылысының жобасы қаралған. Мұны италиялық инвестор өз қаржысына тұрғызғысы келеді. Сәулеттік тұжырымдамасын да жетекші италиялық дизайнер жасаған.
«Елбасы өңірлерге инвестиция тарту қажеттігі жөнінде бірнеше мәрте атап көрсеткен болатын. Сондықтан біз бұл жобаны қолдап, жүзеге асырушыларға көмектесеміз. Жалпы, Оралға кемінде үш қазіргі заманғы қонақүй қажет», деді өңір басшысы.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).