ОРАЛ. ҚазАқпарат - Оралдағы жабық мұз айдыны сарайында «Нұр Отан» партиясы қалалық филиалының ұйымдастыруымен, қала әкімдігінің қолдауымен 28 ақпан күні бос орындар жәрмеңкесі өткізілді.
Оған облыс орталығындағы 150-ден астам жұмыс беруші ірі мекеме-ұйымдар қатысып, 767 бос орынды ұсынды. Жәрмеңкеге жұмыс іздеген 7500-дей тұрғын келді.
Жәрмеңке барысында жұмыс берушілер мен қалалық жұмыспен қамту және әлеуметтік бағдарламалар бөлімі мамандары бос жұмыс орындары жөнінде мәліметтермен қатар кеңес берді.
Қалалық жұмыспен қамту және әлеуметтік бағдарламалар бөлімінің басшысы Айгүл Төкешеваның айтуынша, қазіргі кезде 1256 жұмыссыз есепте тұр. Жыл басынан бері 56 мүгедек жұмысқа орналасу жөнінде өтініш білдірсе, соның 11-і өз орнын тапты. Бүгінгі жәрмеңкеге келгендердің 10 пайызы еңбекке орналасса, соның өзі үлкен жетістік болмақ.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).