ОРАЛ. ҚазАқпарат - Орал қаласындағы «Арман» дене шынықтыру-сауықтыру кешенінде тірек-қимыл аппараты зақымдалған спортшылар арасында отырып ойнайтын волейболдан ҚР чемпионатының үшінші туры мәреге жетті.
Жарыс қорытындысында Атырау облысының командасы жеңімпаз атанса, қызылордалықтар екінші, маңғыстаулықтар үшінші орынды иеленді. БҚО құрамасы тоғыз команданың ішінен жетінші орынға тұрақтады.
Мүгедектер спорты бойынша ҚР мемлекеттік жаттықтырушысы Ерназар Бексұлтановтың айтуынша, енді біріншілік қорытындысына сәйкес ҚР ұлттық құрамасы жасақталатын болады. Одан кейін ұлттық құрама дайындалып, халықаралық жарыстарға қатысады.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).