ОРАЛ. ҚазАқпарат – Оралда полицейге пара бермек болған мас жүргізуші ұсталды, деп хабарлайды ҚазАқпарат тілшісі.
БҚО полиция департаментінің баспасөз қызметі мәлім еткеніндей, патрульдік полиция батальоны қызметкерлері тоқтатқан кезде рульде М. деген азамат болған.
Мас күйінде қолға түскендіктен, ол мәселені шешпек болып, полицейлерге 5 мың теңге ұсынған.
Аталған дерек бойынша жүргізушіге қатысты ҚР ҚК 367-бабына (пара беру) сәйкес қылмыстық іс қозғалды. Ол сондай-ақ ҚР Әкімшілік құқықбұзушылық кодексі 608-бабына (жүргізушінің мас күйінде көлік құралын басқаруы) сәйкес жауапқа тартылатын болады.
Еске сала кетейік, бұдан бұрын Оралда қыз зорлады деген күдікпен 2 адамның қамауға алынғанын, БҚО денсаулық сақтау басқармасының бұрынғы басшысына қатысты үкімнің өзгеріссіз қалдырылғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).