ОРАЛ. ҚазАқпарат – Оралда полиция қызметкері пара алу үстінде ұсталды, деп хабарлайды ҚазАқпарат тілшісі.
БҚО полиция департаментінің ресми өкілі Болатбек Белгібековтің мәлім еткеніндей, Орал қаласындағы жедел басқару орталығының қызметкері, полиция майоры 11 ақпан күні қолға түскен.
Оны департаменттің өзіндік қауіпсіздік басқармасының қызметкерлері 70 мың теңге пара алу кезінде ұстаған.
«Қазіргі кезде іс ҚР Сыбайлас жемқорлыққа қарсы іс-қимыл агенттігіне берілді. Басқа ақпарат жария етілмейді», - деді ҚазАқпарат тілшісіне Б.Белгібеков.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).