ОРАЛ. ҚазАқпарат - Оралда полиция қызметкері автокөлігімен түйісіп, екі адам жарақат алды, деп хабарлайды ҚазАқпарат тілшісі.
БҚО полиция департаментінің баспасөз қызметінен түскен мәліметке қарағанда, оқиға бүгін түнде орын алды.
Орал қаласы полиция басқармасы жол-патрульдік полиция батальонының қызметкері "Skoda Octavia" автокөлігімен Құрманғазы көшесімен келе жатып, «Lexus» автокөлігімен соқтығысуға жол берген.
Қазіргі кезде аталған дерек бойынша қызметтік тексеру жүргізілуде.
Облыстық денсаулық сақтау басқармасының баспасөз хатшысы Айнагүл Сақпосынованың айтуынша, Құрманғазы мен Ж.Досмұхамедов көшелері қиылысында болған жол апатына байланысты сағат 00.46-да жедел жәрдем шақырылды.
«Оқиға салдарынан 1993 және 1997 жылғы екі ер адам зардап шекті. Олар облыстық көпбейінді ауруханаға жатқызылды», деді ҚазАқпарат тілшісіне А.Сақпосынова.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).