ОРАЛ. KAZINFORM – Орал қаласында қыз зорлады деген күдікке ілінген полиция қызметкері қамауға алынды.
БҚО полиция департаментінің баспасөз қызметінен мәлім еткеніндей, Орал қаласы тұрғынының арызына сәйкес аталған дерек бойынша қылмыстық іс қозғалды.
– Қазіргі кезде тергеу амалдары жүргізіліп жатыр. Күні бүгін аталған қызметкер ішкі істер органдарынан қуылды. Күдікті уақытша ұстау изоляторына қамалды. БҚО полиция департаменті полиция қатарында тәртіп пен заң бұзушылықтың жолы қатаң кесілетінін еске салады, - деп хабарлады ведомстводан.
Еске сала кетейік, бұдан бұрын Оралда жоғалып кеткен 15 жастағы қыздың төрт күннен бері іздестіріліп жатқанын жазған едік.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).