ОРАЛ. 7 желтоқсан. ҚазАқпарат /Елжан Ералы/ - Ғ.Құрманғалиев атындағы облыстық филармония залында кеше прокуратура органдары құрылуының 20 жылдығына арналған салтанатты жиын өткізілді.
Жиынға қатысушыларды облыс прокуроры Жақсылық Байтұқбаев құттықтап, жиырма жыл ішінде прокуратура органдары жеткен табыстарға тоқталды. Тек биылғы жылдың өзінде 30 мыңдай азаматтың конституциялық құқығы қорғалып, мемлекеттік органдардың мыңнан астам заңсыз актісі бұзылды. 2700-ден астам лауазымды тұлға түрлі жауапкершілікке тартылды, 142 қылмыстық іс қозғалып, мемлекет пайдасына 2 млрд. астам теңге өндірілді.
Жиында прокуратура ардагерлері мен сала үздіктері марапатталып, прокуратура органдарына қабылданған жас мамандар салтанатты түрде ант берді. Құттықтау сөздерден кейін шара мерекелік концертке ұласты.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).