ОРАЛ. ҚазАқпарат - Оралда жаңа туған сәбиін өлімге қиған «көкек» ана іздестірілуде, деп хабарлайды «ҚазАқпарат» тілшісі.
БҚО ІІД баспасөз қызметінен түскен мәліметке қарағанда, 5 наурыз күні сағат 18.35 шамасында Деркөл ауылында қалалық зират маңында жамылғыға оралған жаңа туған нәрестенің денесі табылған болатын.
Аталған дерек бойында ішкі істер органдары сәбидің анасын анықтау бағытында жедел іздестіру жұмыстарын жүргізуде.
ҚР ҚК 100-бабына (жаңа туған сәбиді анасының өлтіруі) сәйкес тергеу амалдары жүргізілуде.
Еске сала кетейік, Оралдағы зират маңынан нәрестенің денесі табылғаны жөнінде бұдан бұрын жазылған болатын.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).