ОРАЛ. ҚазАқпарат – Оралда саңырауқұлақ теруге кеткен 73 жастағы қария үш күннен бері іздестіріліп жатыр, деп хабарлайды ҚазАқпарат тілшісі.
БҚО ТЖ департаментінің баспасөз қызметінен мәлім еткендей, 1949 жылғы Юрий Браслевич 5 қараша күні саңырауқұлақ теру үшін орманға кеткеннен үйіне оралмаған.
«Қазіргі кезде қала маңындағы орманда қарияны іздестіру жұмыстары жалғасып жатыр. Оған 14 құтқарушы, 2 техника, 1 кинологиялық топ жұмылдырылған» деп хабарлады ведомстводан.
Қарияның немересі Ирина Жиденко атасының 5 қараша күні сағат 10.00-де шығып кеткеннен бері хабарсыз кеткенін жеткізді.
Оның сөзіне қарағанда, құтқарушылармен бірге іздестіру жұмысына орманшылар, еріктілер тартылған.
Еске сала кетейік, бұдан бұрын құрылыс компаниясының директоры Орал тұрғынын 21 млн теңгеге алдап кеткенін жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).