АСТАНА. ҚазАқпарат - Оралда бадминтоннан ересектер арасындағы АПАКС халықаралық турнирі өтіп жатыр, деп хабарлайды ҚазАқпарат тілшісі.
ҚР Ұлттық олимпиада комитетінің баспасөз қызметі мәлім еткендей, жарыстың жүлде қоры - 10 мың АҚШ доллары.
Жарысқа сегіз елден спортшылар қатысуда. Атап айтар болсақ, Қазақстаннан - 30, Өзбекстан мен Ресейден - 18, Австралия, Үндістан және Бахрейннен бір-бір өкіл бар.
Турнирде жеңімпаз атанған спортшы Халықаралық дәрежедегі спорт шебері атағына ие болады.
Оралдағы жарысқа жалпы есебі 32 төреші қазылық етуде. Оның ішінде төрт төреші Азия бадминтон қауымдастығының өкілдері.
Күнсұлтан Отарбай
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.