Облыстық ішкі істер департаментінің баспасөз қызметінен түскен мәліметке қарағанда, сот-медициналық сараптама қорытындысына сәйкес өлім тыныс алу жолының қысылу асфиксиясынан, сондай-ақ, бетіндегі, мойнындағы, қолындағы және аяғындағы қанталау мен жырылудан болған. Жәбірленушінің киімі, қан ұйындысы және саусағының тырнағы айғақ зат ретінде алынған.
Аталған факті бойынша ҚР ҚК 96-бабы 2-бөлімінің «о» тармағына сәйкес (кісі өлімі) қылмыстық іс қозғалды.
Сол күні аталған қылмыс фактісіне қатысы бар деген күдікпен ҚР ҚІЖК 132-бабына сәйкес баланың 28 жасар туысқан ағасы ұсталды. Олар бір үйде тұрған. Күдікті азамат үйленбеген, бұрын сотталмаған, Орал қаласындағы ЖШС-лардың бірінде дәнекерлеуші қызметін атқарған. Қазіргі уақытта аталған іс бойынша сот-медициналық, биологиялық сараптама тағайындалып, сондай-ақ дәлелдемелерді бекіту мақсатында тергеу амалдары жүргізілуде.
Тергеу амалдары барысында анықталғанындай, ата-анасы баласын кешкісін ағасының қасына қалдырып, өздері қонаққа кеткен. Ішімдіктен мас болған ағасы інісін өлтірген. Қонақтан келіп, баласының өлі денесін көрген ата-ана сол мезетте жедел жәрдем шақырған. Інісін өлтірген жігіт осы кезде ұйықтап жатқан болып шықты.