АСТАНА. ҚазАқпарат - Оралға қарасты Деркөл кентіндегі «Орал» дене шынықтыру-сауықтыру кешенінде Спорт күніне арналған ардагерлер арасында волейболдан жарыс мәреге жетті, деп хабарлайды «ҚазАқпарат» тілшісі.
Жарыстың бас төрешісі Есбол Тұрсынбаевтың айтуынша, «Орал» спорт клубының ашық турниріне барлығы сегіз команда қатысып, жасы қырықтан асқан ойыншылар алаңға шықты.
Турнир қорытындысында «Теннис корты» командасы жеңімпаз атанды. «Теректі» командасы екінші, «Орал» клубы үшінші орынға ие болды. Сонымен қатар үздік ойыншылар да марапатталды. Мысалы, Андрей Киселев («Теннис корты») үздік ойыншы атанса, Болат Бадашев («Теректі») «Үздік байланыстырушы» аталымын еншіледі.
Жеңімпаз-жүлдегерлерге кубоктар, дипломдар табыс етілді.
Жарыс алдағы уақытта дәстүрлі түрде өтіп тұрмақ.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).