ОРАЛ. Мамырдың 27-сі. ҚазАқпарат /Елжан Ералы/ - Мамырдың 27-сінде Батыс Қазақстан облыстық қазақ драма театрында «Студенттік театр көктемі» фестивалі басталды.
Театр директоры Құжырғали Төлеуішевтің айтуынша, осымен екінші рет ұйымдастырылып отырған биылғы өнер додасының ерекшелігі, М.Өтемісұлы атындағы Батыс Қазақстан мемлекеттік университетімен бірлесіп, үздік режиссер, әртістерге, басқа да қатысушыларға жеті-сегіз аталым бойынша арнайы жүлделер берілмек. Аталмыш университетте халық театрлары үшін режиссерлер даярланатын болса, Құрманғазы атындағы музыка колледжінде болашақ актерлер білім алады. Сондықтан фестивальде солардың өнері талқыға түспек. Театрда барлығы сегіз спектакль қойылмақ.
Фестиваль мамырдың 31-інде мәреге жетпек.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).