ОРАЛ. ҚазАқпарат - Оралда жасөспірім спортшы қыз жоғалып кетті, деп хабарлайды ҚазАқпарат тілшісі.
Облыстық Полиция департаментінен түскен мәліметке қарағанда, 16 жастағы Лиана Шарифуллақызы Кушкеева 16 маусым күні сағат 17.30 шамасында үйінен шығып кеткеннен оралмаған.
«Қазіргі кезде Орал қаласы полиция басқармасының қызметкерлері іздестіру жұмыстарын жүргізуде. Оны іздеуге жеке құрам жұмылдырылды. Лиананы көрген адамдар болса, 8-711-92-18-04, 92-18-41, 92-18-42 немесе 102 телефонына хабарласуын сұраймыз», - деді департаменттің баспасөз қызметінен.
Полицейлердің айтуынша, Лиананың үстінде «S» жазуы бар көк түсті футболка, қара спорттық шалбар, аяғына қызғылт спорттық аяқкиім киген. Бойы 170 см, арықша келген, шашы қара, ұзын, ерекше белгісі - мұрнында меңі бар.
Айта кетейік, Лиана Кушкеева спорт саласында бірқатар жетістіктерге қол жеткізген. 2017 жылы Вьетнамда таеквондодан өткен кадеттер арасындағы Азия чемпионатында жеңімпаз атанғанын жазған едік.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).