ОРАЛ. 10 желтоқсан. ҚазАқпарат /Елжан Ералы/ - А.Островский атындағы орыс драма театрында Қазақстан Тәуелсіздігінің 20 жылдығына арналған «Тәуелсіздікке тарту» атты халық шығармашылығы фестивалінің гала-концерті болды.
Оған аудандық байқауда үздік шыққан көркемөнерпаздар ұжымдары қатысты.
Концерт Н.Тілендиевтің «Махамбеттің поэмасы» шығармасымен басталды. Күй тартыс, термешілердің тәуелсіздікке тартуы көрерменді риза етсе, мың бұралған бишілер тобы концертке сән берді.
Шәкірттерімен қосылып ән салған жаңақалалық Ербол Ақбасов, жалпақталдық Қабиевтер отбасылық ансамблі, ақжайықтық «Жайдарман» әжелер ансамблі қатысқан концертте барлық аудан өнерпаздары үздік өнер көрсетті. Концерт соңында облыстық мәдениет басқармасының бастығы Айдар Батырханов облыстық фестивальда үздік шыққан ұжымдарды марапаттады. Тасқала ауданына - бірінші, Ақжайық пен Қаратөбеге - екінші, Жәнібек, Шыңғырлау, Зеленов ауданы көркемөнерпаздары ұжымдарына үшінші орын берілді. Олар плазмалық теледидар, бейнекамера сияқты бағалы сыйлықтарға ие болды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).