ОРАЛ. ҚазАқпарат - Бүгін Оралда темір контейнер жанып, газ баллондары жарылды, деп хабарлайды ҚазАқпарат тілшісі.
БҚО ТЖ департаментінің баспасөз хатшысы Нұргүл Мұқанованың айтуынша, облыстық аурухана маңындағы Яикская көшесі 16-үйдің ауласында темір контейнердің жанып жатқаны жөнінде хабар 17.35-те түскен.
Соның салдарынан 5 газ баллоны жарылып, 17-сін оқиға орнына жеткен ТЖ қызметкерлері алып үлгерген.
Өрт сағат 17-44-те сөндірілген. Оған 6 техника мен жеке құрамнан 22 адам жұмылдырылды.
Зардап шеккендер жоқ.
Айта кетейік, жыл басынан бері өңірде 211 өрт тіркеліп, соның салдарынан 10 адам зардап шегіп, екеуі қаза тапты.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).