Оралда тоғыз қабатты үйден өрт шығып, 53 адам эвакуацияланды
ОРАЛ. KAZINFORM – Орал қаласында 9 қабатты үйде өрт шығып, 50-ден астам адам эвакуацияланды.
Фото: БҚО ТЖД
Фото: БҚО ТЖД
БҚО ТЖ департаментінің баспасөз қызметінен мәлім еткендей, оқиға 29 сәуір күні сағат 08.05-те Зачаган кентінде М.Мөңкеұлы көшесі 85/2 мекенжайында болды.
Фото: БҚО ТЖД
«Орал қаласында көппәтерлі тұрғын үйдің 7-қабатындағы пәтерлердің біреуінде аумағы 18 шаршы метрді қамтыған өрт болды. Жатын бөлмеде жеке заттар мен жиһаз отқа оранды. Дереу оқиға орнына келген өрт сөндірушілер 53 адамды, соның ішінде 18 баланы эвакуациялады. «Тілсіз жау» сағат 08.33-те оқшауланып, 08.49-да ауыздықталды. Оған жеке құрамнан 35 адам, 13 техника жұмылдырылды. Зардап шеккендер жоқ. Қазіргі кезде оқиғаның себеп-салдары анықталу үстінде» деп хабарлады ведомстводан.
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).