Орал қаласында тоғызыншы қабаттан құлаған 11 жастағы бала есін жиды, деп хабарлайды Kazinform.
БҚО Денсаулық сақтау басқармасының баспасөз қызметінен мәлім еткеніндей, бала бұған дейін қалалық көпбейінді аурухананың жансақтау бөлімінде жатқан еді.
«Бала есін жиғаннан кейін облыстық көпбейінді балалар ауруханасына ауыстырылды. Қазір травматология бөлімшесінде, жағдайы орташа ауырлықта. Дәрігерлердің қадағалауында, ем алып жатыр», - деп хабарлады ведомстводан.
БҚО полиция департаментінің баспасөз қызметі оқиға бойынша ҚР ҚК 105-бабы 3-бөлігіне (өзін-өзі өлтіруге дейін жеткізу) сәйкес сотқа дейінгі тергеу амалдары жалғасып жатқанын, басқа өзгеріс жоқтығын жеткізді.
Еске сала кетейік, бұдан бұрын Оралда көпқабатты үйдің терезесінен құлап кеткен 11 жастағы баланың жансақтау бөлімінде жатқанын жазған едік.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).