ОРАЛ. ҚазАқпарат – Оралда тоғыз қабатты тұрғын үйде өрт болды, деп хабарлайды ҚазАқпарат тілшісі.
БҚО ТЖ департаментінің баспасөз қызметі мәлім еткендей, оқиға 5 қараша күні сағат 21.21-де Захаров көшесі 79-мекенжайында болды.
Аталмыш үйдің екінші қабатындағы пәтерде жеке заттар жанды.
Аумағы 20 шаршы метрді қамтыған өрт сағат 21.42-де оқшауланып, 21.54-те сөндірілді.
ТЖ департаментінің күшімен жүрегі ұстап қалған ер адам эвакуацияланып, жедел жәрдемге тапсырылды. 35 адам далаға өздері шыққан, олардың бесеуі – балалар.
Аталмыш үйдің 15 тұрғыны үшін арнайы автокөлікте жылыту пункті ұйымдастырылды.
Қазіргі кезде өрттің шығу себебі, келтірілген шығын, кінәлі адамдар анықталу үстінде.
Еске сала кетейік, бұдан бұрын БҚО-да жол апатынан автокөлік ішінде екі адамның жанып кеткенін жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).